Авторизация ...

13 лістапада ў межах мэтал-канцэрту Creative Breath of Death 2008 адбудзецца адразу чатыры сьвежыя рэлізы ад самых пэрспэктыўных камандаў Беларусі ды Расеі. Граюць піцерцы Psilocybe Larvae, гарадзенцы Deathbringer, гамельчукі з Thelema ды Katalepsy з Масквы.

Маскоўскі гурт Katalepsy, што выконвае брутальны дэз, прадставіць Triumph of Evilution — гэты дыск выдазены сплітам з ангельцамі Fleshrot і японцамі Blunt Force Trauma. Гамельчукі з Thelema граюць даволі складаную ды агрэсіўную мэтал-музыку з фрагмэнтамі джазу і фанку. На канцэрце яны прадставяць песьні з свайго новага CD Fearful Symmetry. Піцерская каманда Psilocybe Larvae (грае гэткі атмасфэрны дэз-дум) запісала свой альбом Non-Existence на DDT Records. Яны спалучаюць элемэнты мэлядычнага блэку, дум-дэза ды звычайнага дэзу зь цяжкай змрочнай атмасфэрай.

Урэшце, чацьверты рэліз, які будзе прадстаўлены 13 лістапада ў «Рэактары» — дэбютны CD Homo Divisus ад Deathbringer з Горадні, запісаны ў польскай студыі Studio-X. Музыкі граюць у традыцыях флорыдзкага жанру даволі магутны ды інтэлектуальны прагрэсіўны дэз-мэтал.

У гэтым стылістычна разнастайным канцэрце таксама возьмуць удзел менчукі з Solarward (пост-блэк мэтал) ды жаночая мэталкор банда Restart.