Авторизация ...

У першы дзень фэстывалю 24 кастрычніка ў бельскім доме культуры выступяць Алег Кабзар, Tамаш Суліма, Ilo&Friends, Зьміцер Вайцюшкевіч, Лявон Вольскі. На наступны дзень тутсама зайграюць «Босае Сонца», Кася Камоцкая, Тацьцяна Беланогая, Аляксандар Памідораў і праект «Народны альбом». У суботу ў межах фэстывалю адбудзецца сольны канцэрт беларускага барда зь Беластоку Алега Кабзара ў гарадзкой ратушы.

Цікавы канцэрт заплянаваны на нядзелю, 26 кастрычніка. Сумесны выступ Віктара Шалкевіча і Аляксандра Памідорава адбудзецца ў сінагозе ў Орлі. У гэты ж дзень у Гайнаўцы — «Жаночы канцэрт» з удзелам Касі Камоцкай і Тацьцяны Беланогай.

А 27 кастрычніка Алег Кабзар, Аляксандар Памідораў і гурт «Босае Сонца» дадуць канцэрт у жывым этэры радыё Беласток.

Паслухаць канцэрты 24-га і 25-га кастрычніка можна будзе ў рэжыме он-лайн праз www.racyja.com. У пятніцу і суботу жывы этэр з «Бардаўскай восені» на радыё «Рацыя» будуць весьці Сяргей Будкін і Віктар Сямашка.